Lingua   

Lingua: Cabilo



Iceqqeq ifsex igenni
Lehwa tessared aẓekka
yal targa tremmeg a tneggi
A tsseggixent tiɣʷezza
Ddew tmedlin teffeɣ d teɣri
Tesṛaṛeḥ abbuh a tarwa

A Kenza a yelli
Ṣebṛ-as i lmeḥna
D isflan neɣli
F Ldzayer uzekka
A Kenza a yelli
Ur ttru yara

Xas terka lǧetta tefsi
tikti ur tettmettat ara
Xas fell-aɣ qesḥet tizi
I facal a d-naǧǧew ddwa
Xas negḍen acḥal d itri
Igenni ur inegger ara

A Kenza a yelli
Ur ttru yara
Sebba f neɣli
D Ldzayer n uzekka
A Kenza a yelli
Ur ttru yara

Fran tt fell-aɣ zikenni
Uqbel a d yeḥdeṛ wass-a
Iṣeggaden n tmusni
F tmurt gḥedlen d rrehba
Nnɣan Lyabes d Flisi
Busebsi d wiyaḍ meṛṛa

A Kenza a yelli
Ṣebṛ-as i lmeḥna
D isflan neɣli
F Ldzayer uzekka
A Kenza a yelli
Ur ttru yara

Xeṛsum d yiwen a d-yegʷri
Ad aɣ-id-ismekti azekka
F lǧerḥ iqceṛ ad yali
Ad d nban ger tmura
Tarwa nneɣ a d-tennerni
Xas akken g urebbi n tlufa

A Kenza a yelli
Ur ttru yara
D isflan neɣli
D Ldzayer n uzekka
A Kenza a yelli
Ur ttru yara


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org