Lingua   

Tazult n Lambèse

Ferhat Mehenni (Ferḥat Mhenni)
Lingua: Cabilo



Tazult n Lambèse
Lambèse d lḥebs
Yessargagayen s tnebdar n yisem-is
Tazult d taddart
I yettcemmit
Akken yetcemmit ugaẓuẓ amgarḍ

Tazult n Lambèse
Akken i s-qqaren
Deg wakkʷen i t-yunza
Batna tessusef-it-id
D acu, teḍra yid-es am winna
A yessusufen s igenni

Tazult n Lambèse
I t-ikeččmen mačči ḥaca
win ixedmen kra
Lbatel ma skud izdi lqedd
Yezmer a kʷen-iddem ula d kʷenwi
Win i t-ikecmen, yekcem aẓekka
D lmut ur tt-tettaggʷad ara
Imi yessen i tt-yugaren

Tazult n Lambèse
D ğahannama yugaren
tin yettrağun di laxart
Axater ma dɣa d Rebbi yella
Mačči d win ara iserɣen tarwa-s
Ur umineɣ ar’ as-teqqer tasa
Akken i d assen-teqqur i yemdanen
Ur ssinen ansi-t tilisa
nlbatel akʷ i xeddmen
Lbatel ladɣa f umeḥbus
Yugar učči i s-d-ttaken
Ɣef ulac a t-ndaben
A t-ğğen ur ireffed ur isrus
A s-anfen akken d aεryan
S idammen s ufella n ssiman
Uḍan d uḍan i usemmiḍ

Tazult n Lambèse
Lambèse d lḥebs
Yesɣilifen s tnebdar n yisem-is
Tazult d taddart
Ur yuklalen a tt-ittcemmit
lbatel n lḥebs-is
Yenɣa iεeggeb, yesru irgazen
Yetth'eccim deg isem n izzayriyen
Yetsḥeccim aḍu i d-isuḍen
D yitij i d-inekkren fellas


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org