Language   

Banm kalou banm

Danyèl Waro
Language: Creoles and pidgins, French-based (Other) (créole réunionnais)



I di a ou anlèr, dann milié la mer
Twé navé gro blan, si bato lontan
I di a ou dan fon, si bato lontan
twé navé bann nwar, té konm zanimo

Zot i vir par isi, zot i biny dann san
Zot i vir par la, nana loséan
Zot i vir par la, nana loséan.

Banm kalou banm, banm kalou banm
Banm kalou banm, banm kalou banm
Banm kalou banm, banm kalou banm
Banm kalou banm, banm kalou banm

Té gramoun i di, dann tan komandèr
Twé navé boug nwar, té i tié zot frèr
A forse tan soufèr, la pran la kolèr
Koulèr flanboyan, kan sa lé an flèr

Lo san la kayé, dési nout pasé
Boubou la pousé, la pokor pété
Boubou la pousé, la pokor pété.

Banm kalou banm, banm kalou banm
Banm kalou banm, banm kalou banm
Banm kalou banm, banm kalou banm
Banm kalou banm, banm kalou banm

Zot i war zordi, nou désot la mer
Pou nou rod travay, wi nou lé somèr
Zot i war talèr, mi sa pran laviyon
pou kit mon péi, i apel la réniyon

Zémigré zordi, lesklavaz lontan
Pari lé zoli, nou na pi zèn zan
Pari lé zoli, nou na pi zèn zan.

Vronm kalou vronm, vronm kalou vronm
Vronm kalou vronm, vronm kalou vronm
Vronm kalou vronm, vronm kalou vronm
Vronm kalou vronm, vronm kalou vronm

Komandèr zordi, pi parey lontan
Sa boug koméla, zot i roul langaz
Zot i giny larzan, pou biyn koze fransé
in morso kréol, fout pi kab tiré

Koté zot na in pèp, la pou rod krié
I sar pa lékol, i sava maron
I sar pa lékol, i sava maron.

Banm kalou banm, ban kalou banm
Banm kalou banm, banm kalou banm
Banm kalou banm, banm kalou banm
Banm kalou banm, banm kalou banm
Banm kalou banm, banm kalou banm


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org