Lingua   

Rosanera

Davide Van De Sfroos
Lingua: Italiano (Lombardo "Laghèe")



Tequila o kerosene, urmai, fa' mea differenza
e vardi sta chitàra in soel müür de la mia stanza,
l'ho purtada in tutt el muund, l'ho gratàda 'me na crusta
soe la pèll gh'emm tücc i straad cumè i culpi de 'na frusta...
Una dona in Valtelèna che parlava cun't i saant,
la m'ha dii che tücc i lègn se regòrden i so piaant,
che gh'è un lègn per fa' una cruus e un lègn per fa' una porta,
per el lègn de 'na chitàra la sua pianta l'è mai morta.

La m'ha dii che 'sta chitàra l'ha viagiaa sura una barca
e che forsi l'ha sunada anca un certo Garcìa Lorca,
l'è finìda soe in Irlanda da un ciuchee del Connemara,
l'hann sunada anca in Camargue per el de' de Santa Sarah...
Quaand che l'ho incuntrada me, l'era in mann ad un jazzista,
un gitano cui barbiis e un prublèma alla sinistra,
ma una nòcc ghe l'hann rubàda, forsi l'era troppa bèla...
l'ho ritruvada in Algeria cun deent un boecc de rivultèla...

L'ho curàda, l'ho guariida e la sunava püssee alègra,
duve prema gh'era un boecc g'ho faa intarsià una roesa negra,
l'ho sunada in soe la naav quaand che i geent cambiaven tèra,
l'ho dupràda 'me 'na spada per tajacch el coo alla guèra,
Un fioe del Minnesota l'era dree a scapà de ca',
un de' el m'ha dumandaa se la pudèvi prestà,
l'ha faa una canzòn sura un trènu piee de geent
cun deent una risposta che la bùfa ammò in del veent...

Ogni corda la disèva quell che'l teemp purtava via,
ogni mànegh de chitàra in fondo el paar 'na ferrovia,
la distanza la moev quel che 'l coer el spècia la distanza
e semm bonn de cambià nota senza mai cambià la facia.
Ho cantaa canzòn de loena sura i sàss de la Sardègna,
ho sunaa canzòn fantasma dennanz ai cruus de la Bretàgna,
ho sunaa che chi beveva senza mai desmentegà,
ho sunaa per chi ne nava e per chi turnava a ca'...

E hai suonato Rosanera, per far solletico a 'sto mondo,
fuori dai cessi e dalle chiese, per il sacrista e il vagabondo,
abbiam deciso di suonare senza pesare le persone...
solo chi spara a una chitarra non ha diritto a una canzone...
solo chi spara a una chitarra non ha diritto a una canzone...


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org