Lingua   

T'al digh in piasintëin

Gianni Levoni
Lingua: Italiano (Emiliano Piacentino)




Me m'ricord tant cmé fiss astä ier,
sul partì pr'al duver,
al duver dal suldä.
Ho lassä la mé bella Piasëinsa,
quand ag peins ad parol a sum sëinsa;
ma me sum un ver piasintein,
quand vo insëma a un dunnein,
ag barbott pian pianëin: At vöi bein!

T'al digh in piasintëin
c't'ho seimpar vurì bëin,
dal dé ca t'ho incunträ
me m'sum innamurä;

e spera tant cmé me:
t'vadrè ca gnarà un dé
ca te par me t'sarè l'ünich dunnëin,
t'al digh in piasintëin.

Ad giuvnott ag na sarà un bell po',
tütt vurran fäs ciamä
Lilli, Popi Totò;
ma al so num ad battesim l'é un ätar,
l'é Nicola, Tummäs o un quälc ätar;
ma me sum un ver piasintëin,
quando vo insëma a un dunnëin,
ag barbott pian pianëin: At vöi bein!

T'al digh in piasintëin
c't'ho seimpar vurì bëin,
dal dé ca t'ho incunträ
me m'sum innamurä;
e spera tant cmé me:
t'vadrè ca gnarà un dé
ca te par me t'sarè l'ünich dunnëin,
t'al digh in piasintëin: At vöi bëin!



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org