איל ריי די פראנסייה

GLI EXTRA DELLE CCG / AWS EXTRAS / LES EXTRAS DES CCG

Originale	Il testo trascritto storicamente secondo i criteri dello spagnolo...
איל ריי די פראנסייה	EL REI DE FRANSIA TRES IXAS TENIA
איל ריי די פראנסייה	El rei de Fransia
טריס אישאס טיניה	Tres ixas tenia,
לה אוּנה לאבראבה,	La una labraba,
לה אוטרה קוּזיה.	La otra cosia.
לה מאס ג֜יקה דאילײאס	La más xica dellas
באסטידור אזיה,	Bastidor hacia,
לאבראנדו לאבראנדו	Labrando i labrando
סואינײו לי קאיה.	Sueño le caia.
סוּ מאדרי קי לה ביה	Su madre que la via
אחארבאר לה קיריה.	Aharvar la queria,
נו מ'אחארביש מי מאדרי,	No m’aharves la mi madre
ני מ'אחארבאריאש.	Ni m’aharvarias.
אוּן סואינײו מי סונײבה,	Un sueño soñaba,
בײן אי אליגריה.	Bien i alegria,
סואינײו בוס סונײאבאש,	Sueño soñabas,
ייו בו לו סולטאריה.	Jo vo lo soltarias.
מ'אפארי א לה פואירטה,	M’apari a la puerta
בידי לה לוּנה אינטירה,	Vide la luna entera,
מ'אפארי א לה בינטאנה,	M’apari a la ventana,
בידי לה איסטרילײה דײאנה.	Vide la estrella diana;
מ'אפארי אל פוזו,	M’apari al poço,
בידי אוּן פילאר די אורו	Vide un pilar de oro
קון טריס פאשאריקוס	Con tres paxaricos
פיקאנדו איל אורו.	Picando el oro.
לה לוּנה אינטירה	La luna entera
איס לה טוּ סואיגרה,	Es la tu suegra
לה איסטרילײה דײאנה	La estrella diana
איס לה טוּ קוּנײאדה.	Es la tu cuñada;
לוס טריס פאשאריקוס	Los tres paxaricos
סון טוּס קוּנײאדיקוס,	Son tus cuñadicos,
אי איל פילאר די אורו	El pilar de oro,
איל אישו דיל רײ, טוּ נובייו	El ixo del rei, tu novio.