L'Internationale
Eugène PottierLATINO / LATIN [2] | |
TOTIUS ORBIS LABORATORUM HYMNUS (INTERNATIONALIS HYMNUS) Carmen ab Eugenio Pottier a.D. MDCCCLXXI compositum harmonizavit Petrus Degeyter a.D. MDCCCLXXXVIII et in Latinum vertit Richardus Venturi a.D. MMV. Surgite, orbis terrarum servi, surgite, esurientes nunc! Excutitur tonitru crater eruptabitque demum. Tempus actum abiit non redibit et surgunt turbae servorum nunc! Terrarum revolvitur orbis, e nihilo totum erimus! Ad postremum proelium eamus iuncti et cras Laboratorum hymnus sociabit homines! Ad postremum proelium eamus iuncti et cras Laboratorum hymnus sociabit homines! Non exstat excelsus redemptor, nec Deus nec Caesar nec tribunus, servet se ipsum laborator, et omnium salus servabitur. Ut fur reddat id, quod abripuit et in custodiam captivus eat, est nobis in fucinam inflandum dum molle ferrum candens est! Ad postremum proelium eamus iuncti et cras Laboratorum hymnus sociabit homines! Ad postremum proelium eamus iuncti et cras Laboratorum hymnus sociabit homines! Nos lex auctoritasque opprimunt: cum pauperi imponatur tributum, diviti nullum imponitur. Pauperibus ius numquam exstat, afflicti languent in servitute! Ius aequum omnibus est statuendum ne sit ius ullum sine officiis neque officium sine iure! Ad postremum proelium eamus iuncti et cras Laboratorum hymnus sociabit homines! Ad postremum proelium eamus iuncti et cras Laboratorum hymnus sociabit homines! Ad apotheosin attolluntur domini saevi metallorum. Ecquid fecerunt, nisi spoliare servos qui labore pereunt. Pecunias et aurum aggerant funduntque in indigentiae fucina; sed totum populus decernit ut sine mora reddatur nunc. Ad postremum proelium eamus iuncti et cras Laboratorum hymnus sociabit homines! Ad postremum proelium eamus iuncti et cras Laboratorum hymnus sociabit homines! Reges nos inebriaverunt, sit nobis pax, tyrannis bellum! Nobis sunt signa relinquenda, militia nobis reicienda est! Anthropophagi perseverant nos vertere in heroes, sed quam primum nostra tela in omnes duces infodientur. Ad postremum proelium eamus iuncti et cras Laboratorum hymnus sociabit homines! Ad postremum proelium eamus iuncti et cras Laboratorum hymnus sociabit homines! In agro, in civitate sumus laboratorum magna factio! Hominibus pertinet terra, numquam ignavis pertinet. Quam vescuntur nostra carne! Sed omnes corvi et vultures aliquo die evanescent, et in aeternum lucebit sol! Ad postremum proelium eamus iuncti et cras Laboratorum hymnus sociabit homines! Ad postremum proelium eamus iuncti et cras Laboratorum hymnus sociabit homines! | CARMEN INTERNATIONALE E Francogallica in Latinam reddidit P Scotius Horne, a. MMDCCLVIII a.U.c. Consurgite, damnati mundi! Consurgite, famelici! Ratione orta moribundi Pereunt status relici. Ecce, saeculum vetustum nutat— Turba servorum, surgite!— Nam mundus iam penitus mutat: Qui estis nil, omnia fite! Hoc est proelium finale; Congregemur ut cras Sit Internationale Unā humanitas. Hoc est proelium finale; Congregemur ut cras Sit Internationale Unā humanitas. Nec di nec Caesar nec tribuni Succurrunt fabris miseris. Parcentes saluti communi Prosimus nobismet ipsis! Opus est fures deturbare Captumque solvere animum. Jam decet incudem parare: Quam fervens tunditur ferrum! Hoc est proelium finale; Congregemur ut cras Sit Internationale Unā humanitas. Hoc est proelium finale; Congregemur ut cras Sit Internationale Unā humanitas. Rex lexque harpagant egentes Sutelis et vectigali. Haud obligantur affluentes; Nil fere prodest humili. Succedatur mos importunus Rectis et aequis legibus: Sit absque jure nullum munus, Nec absque munere sit jus! Hoc est proelium finale; Congregemur ut cras Sit Internationale Unā humanitas. Hoc est proelium finale; Congregemur ut cras Sit Internationale Unā humanitas. Atroces in apotheose Officinarum domini Obsistunt tantum otiose Laborioso homini. Quo sudori fructūs optimatum Ex arcis requirit, et jam Revocans meritum ablatum Nil vult nisi justitiam. Hoc est proelium finale; Congregemur ut cras Sit Internationale Unā humanitas. Hoc est proelium finale; Congregemur ut cras Sit Internationale Unā humanitas. Rebellionem faciamus! Rex nos opprimit pervicax. Omnes ab signis discedamus! Tyrannis bellum, nobis pax! Sanguisugis ut agant ad mortem Nos milites constantibus, Dirigentur in malam sortem Nostrapte tela ducibus! Hoc est proelium finale; Congregemur ut cras Sit Internationale Unā humanitas. Hoc est proelium finale; Congregemur ut cras Sit Internationale Unā humanitas. Opifices et aratores Juncti, o proletarii! Nos soli terrae possessores; Apagete, otiosi! Corpora nostra tot tabescunt! Atqui vultures edepol Omnes ad unum evanescunt, Et dehinc resplendebit sol! |