Massas e brans
Li Troubaires de CoumboscuroBertran De Born: Be.m platz lo gais temps de pascor | |
MAZZE E SPADE Mazze, spade ed elmi variopinti E scudi li vedremo infranti e distrutti All'inizio dell'assalto E molti guerrieri urtarsi l'un l'altro Errando per il carnaio I cavalli dei morti e dei feriti; E quando nella mischia Sarà entrato ogni uomo d'alto lignaggio Egli non penserà che a infrangere teste e braccia Perché un morto vale più d'un prigioniero. | 80, 8a. Be.m platz lo gais temps de pascor Be.m platz lo gais temps de pascor que fai fuolhas e flors venir; e platz mi, quan auch la baudor dels auzels, que fan retentir lor chan per lo boschatge; e platz mi, quan vei sobre.ls pratz tendas e pavilhos fermatz; et ai gran alegratge, quan vei per la champanha renjatz chavaliers e chavals armatz. E platz mi, quan li corredor fan las gens e l'aver fugir; e platz mi, quan vei apres lor gran re d'armatz ensems venir; e platz m'en mon coratge quan vei fortz chastels assejatz e.ls barris rotz et esfondratz e vei l'ost el ribatge, qu'es tot entorn claus de fossatz ab lissas de fortz pals serratz. E autresi.m platz de senhor, quan es primiers a l'envazir en chaval, armatz, ses temor qu'aissi fai los sieus enardir ab valen vassalatge. E puois que l'estorns es mesclatz, chascus deu esser acesmatz e segre.l d'agradatge, que nuls om non es re prezatz, tro qu'a maintz colps pres e donatz. Massas e brans, elms de color, Escutz tranchar e desguarnir, Veirem a l'entrar de l'estor E maintz vassals ensems ferir Don anaran arratge Chaval dels mortz e dels nafratz; E quant er en l'estorn entratz, Chascus hom de paratge No pens mas d'asclar chaps e bratz, Que mai val mortz que vius sobratz. Ie us dic que tan no m'a sabor manjar ni beure ni dormir coma, quan auch cridar: "A lor!" d'ambas las partz et auch ennir chavals vochs per l'ombratge, et auch cridar: "Aidatz! Aidatz!" e vei chazer per los fossatz paucs e grans per l'erbatge, e vei los mortz que pels costatz an los tronzos ab los cendatz. Baro, metetz en gatge chastels e vilas e ciutatz enanz qu'usquecs no.us guerreiatz! Papiols, d'agradatge a.N Oc-e-No t'en vai viatz e dijas li que trop estai en patz. |