Lingua   

Gente do Sud

Terroni Uniti
Lingua: Napoletano


Terroni Uniti


Gente d’’o mare
Gente ‘e ‘sta terra
Gente ‘e ‘sta terra
Gente ‘e ‘sta terra
Gente ‘e ‘sta terra
Gente d’’o sud
Gente d’’o mare
Gente capace ‘e credere ancora dint’a ll’ammore
E chisto è ‘o mood
Vene d’’o mare
Dint’ê culure nc’ammiscammo e simmo tale e quale
'o mare ch'è amaro nce porta luntano
Cu ‘a vocca dint’ô ssale se lava c’ ’o mmale
Ma nunn’è normale
Chi parte ‘a luntano pecché è disperato
Tu ‘o chiamme immigrato ma io ‘o chiammo frate
Restammo umane
Vide ch’hê ‘a fà
‘o munno è gruosso e l’hê ‘a considerà
Nun può penzà
Ca chello ca cunusce nun nce sta
Miettete dint’ê panne ‘nfuse
‘e chi se move
Quanto ha refuso ogne ccosa llà ffora
Pe mmezzo ‘e ll’abbuse
D’’a puzza ‘e petrolio
Nunn’è ‘na scusa
È ‘nu diritto a stà bbuono
Gambia, Nigeria, Eritrea
Addó ‘a pace mo è sulo n’idea
Chi parla, fra’, nunn’have idea
Chi ‘o vvive s’affronta ‘e mmaree
So’ mmamme e pate
So’ frate e ssore
Cu 'na speranza ‘ròssa dint’ô core
Lassano ‘a casa addó sta ‘a ‘uerra
Pe ‘na speranza ‘ncopp’a chesta terra
Gente d’’o sud
Gente d’’o mare
Gente capace ‘e credere ancora dint’a ll’ammore
E chisto è ‘o mood
Vene d’’o mare
Dint’ê culure nc’ammiscammo e simmo tale e quale
A mme pure a Nnapule me chiammano Zulù
Arrivaje cu ‘nu bbarcone ‘e ll’Area Nord
‘mmiez’ô Ggesù
“Terrone di merda”, sulla pancia il mio tattoo
Lo porto con orgoglio, questo nome è sangue blu
Noi non ci offendiamo se l’ignoranza ci accusa
Riconosciamo gli intrusi e gli abusi
Voi siete i mandanti eleganti di tutti i soprusi
Emarginiamo i collusi
E non lasciamo refusi
Ma Napule ‘sta storia ‘a sape ggià
Quei signori eleganti son passati di qua
Per chiamare briganti chi nun steva cu lloro
Per lavare col fuoco chi era fuori dal coro
Partono ‘e bbastimiente pe tterre assaje luntane
Cantano a bbuordo e so’ nnapulitane
Tornano ‘e bbastimiente d’’a terra cchiù vvicina
Cantano ‘a bbuordo e so’ so’ tale e quale
Gente d’’o sud
Gente d’’o mare
Gente capace ‘e credere ancora dint’a ll’ammore
E chisto è ‘o mood
Vene d’’o mare
Dint’ê culure nc’ammiscammo e simmo tale e quale
Fronna ‘e limone
‘stu canto che vene e vva
Voce ‘e guagliune dal Cairo alla Sanità
Si cride a Buddha, a Gesù, Spiderman o Allah
Si’ ‘o frate nuosto
Ma arriverà il giorno X per l’umanità
Che tutti quanti dovremo andar via da qua
E cercheremo per tutti la libertà
‘int’a n’atu puosto
Ferma ‘sti rruspe, ciavoro
‘o sole è ancora cavero a cchest’ora
Sta ‘o ffuoco dint’a ‘sti rrammère
Tu tiene ll’auto blu, nuje cammennammo a ppede
E ‘o munno nunn’è ‘na frontiera
Vulisse purtà cca
Odio, muri e barriere
‘a tiene sulo tu ‘sta guerra ‘ncapa
Ma chi t’ha dda accattà? Sulo chi nun te sape
Dint’a n’attimo figliemo, n’onna liggera,
‘o perdette dint’a ‘stu mare ca se magna ‘e penziere
ie vulevo ‘nu futuro pe fujì d’’e bbombe
Convivo cu 'o dulore e spisso nun s’affronta
dint’a n’isola felice fatta ‘e quacche ricordo
si guardo arreto tanti ccose nunn’hê ssupporto
vaco annanze si Allah me dà ‘a forza ‘e stà allerta
peggio ca ‘na bomba nun po essere 'a scelta
Vurrìa ca addó se vede ‘a terra accuminciasse ‘a casa toja
che dessemo ‘na mana pe cchi vene ‘a luntano
e chi se ne ‘mporta si cagnano ‘e pparole
stammo cantanno ‘a stessa canzone
Gente d’’o sud
Gente d’’o mare
Gente ca ancora è capace ‘e credere a ll’ammore
E chisto è ‘o mood
bello d’’o frate
Dint’ê culure nc’ammiscammo e simmo tale e quale
'ana tunsia, 'ana aleiraqia, 'ana ifriqia, 'ana italiania,
'ana alfaransia, 'ana al'almania
'ana min kull arath
Arravoglio tutt' 'e suonne e ‘e speranze dint’a ‘na kefija
Pe cchi, cómm’a mme, ancora nun s’hê arreso
‘a pretesa ‘e ‘na bbella vita ‘a voglio pur’io
Pe ddispietto ‘e chi ha bombardato ‘a terra mia
So’ chillo cu ll’uocchie chine ‘e cazzimma
E pure si nun tengo niente po’ nc’ha spartimmo
Me chiammano “Giuanne Palestina” ma pe mmammà so’ ssempe Ibrahim
Dinto a ‘sti viche se sente ‘na lengua nova
‘o viento ‘e mare ca nc’ammesca nuje cu lloro
Dint’a ‘na musica m’arriva ‘nu fatto antico
Capace ‘e raccuntà chello ca nun dicite
Patrimonio monetario arrubbato d' 'e Savoia
pregiudizzie ca se 'nfizzano, 'o mmale ca s'appoja
E' 'o canto 'e 'nu sound boy
Vengo d’’e Ddoje Sicile
Nc’âte purtato omicidie e violenze a domicilio
Aucielle 'e passaggio
Simmo ‘a ggente d’’o sud
Clandestine ca ponno cagnà ‘o destino d’’o munno
stammo dint'ê mmane 'e chi tene manie ‘e grandezza
Ll’immigrazzione pare ll’unica via ‘e salvezza
Sta n’amico mio chiuso ‘into a ‘na galera
Addó ll’unica cella è ‘a voce d’’a miseria
Miseria ‘e tutt’’a ggente che crede ancora
‘e puté cundannà a chi tene ‘a pelle nera
Mentre ‘o popolo dorme isso che ffa?
Cu cchiù ‘e mille culure pitta ‘e mure d’’a città
E nun cerca sòrde, fa’ bbene e scorda
P’’o mmale ggià ce pensa ‘a Lega nord
Gente d’’o sud
Gente d’’o mare
Gente capace ‘e credere ancora dint’a ll’ammore
E chisto è ‘o mood
Vene d’’o mare
Dint’ê culure nc’ammiscammo e simmo tale e quale
So’ mmamme e pate
So’ frate e ssore
Che penzano â famiglia
Simmo tale e quale
‘a guerra e ‘o mare
'a sciorta ‘a famme
‘o stesso sole scarfa a tutte quante
Gente d’ammóre che sona ‘a tammorra
Seguo ‘stu córe ca vótta dulore
Cu ‘nu culore, cu ‘na bandiera
miezo stivale se sceta e ce crede
Simmo brigante, nun simmo maje stanche
Ll’anema è vviva
cu nnuje Ninco Nanco
‘o sud nun se tocca
Son pronto â morte
cómme â De Cesare e Carmine Crocco
Niente sussidie, ie vogl'jì â dogana
Io voglio arreto chello ca nc’âte levato
Niente cunsiglie, no, nun voglio 'o stadio
Essere libbero ‘e murì addó nun so’ nnato
Gente d’’o sud
Da quassù la terra è bellissima, senza frontiere né confini



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org