Lingua   

Sarajevo

I Messageri
Lingua: Corso


I Messageri


Qui, lu frombu di cannoni
Ne dura da parechj'anni
Cascanu li muraglioni
Brutti, ne seranu i danni

Ind'y fretu è cun la fame
Ci si sentenu li stridi
Cun lu pientu di le mamme
Chi succorenu i feriti

Quantu ci ne sò cascati
Nant'à lu biancu lenzolu
Done è omi assassinati
Done è omi assassinati

Si ne vede insanguinanti
Sott'u chjoccu di le bombe
L'assassini sò sullati
E ne crescenu le tombe

Ora, hè di piglià cuscenza
E stirpà questu lu male
E dà forza à la sperenza
D'una pace universale

Quantu ci ne sò cascati
Nant'à lu biancu lenzolu
Zittellucci assassinati
Zittellucci assassinati

Brusgiate tutt'e bandere
Per une sola libertà
E squassate le fruntiere
Per ritruvà fraternità

Nant'à lu biancu lenzolu
Ghjucheranu li zitelli
Nant'à lu biancu lenzolu
Ghjucheranu li zitelli

Quantu ci ne sò cascati
Nant'à lu biancu lenzolu
Done è omi assassinati
Zittellucci assassinati



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org