Lingua   

‘A verità

Rocco Hunt
Lingua: Napoletano


Ti può interessare anche...

Attraverso l'acqua
(Enzo Avitabile)
Por el suelo
(Manu Chao)
Crucifixus
(Enzo Avitabile)


[2014]
Scritta da Rocco Pagliarulo, in arte Rocco Hunt, con Enzo Avitabile, Fausto Cogliati e Valerio Passeri, detto Nazo
Feat. Enzo Avitabile
La traccia che dà il titolo all’album del 2014
Testo – completo delle parti interpretate da Avitabile – trascritto da Pakos su Summary Forum

‘A verità
[Rocco Hunt]
Sti scole so' fraciche stanno cadenno 'e mura
nun mancano 'e talenti ancora peggio mancano 'e strutture
stammo in fuorigioco 'a soluzione è a te ne j da lloco
te chiagne 'o core si nu frate se perde int'a droga
'o Stato nun fa niente c'hanno abbandonato
dint'a trent'anne ancora n'hanno fatto l'autostrada
parlamme d'e straniere e simmo pronti a fa na predica
ma nun pensammo a quanno simmo gghiute noi in America
Vedo 'a malinconia dint'a l'uocchie e nu criaturo niro
ch'e mosche 'ncuollo c'a famme all'uocchie ca t'accire
tene 'e cumpagne ca 'a diec'anne stanno c'o fucile
ma già so fortunate perché là a diec'anni non c'arrivi
'A Regione d'a munnezza
piscature 'e rezza
a quatto 'ncopp 'o mezzo
pensa che so cresciuto ambresso
e quante guaglione hanno gghiuto 'n cielo senza salutà
ma chi more campa dint'o core 'e chi nun po' scurdà

[Enzo Avitabile]
'A Verità ogni ommo 'n coppa 'a chesta terra vo la verità

[Rocco Hunt]
L'ommo è ignorante a credere c'a terra è 'a soja
distrugge 'e piante pe' fa carte e 'ncopp'e carte scrive 'a storia

[Enzo Avitabile]
'A Verità ogni ommo 'n coppa 'a chesta terra vo la verità

[Rocco Hunt]
L'ommo è ignorante a credere c'a terra è 'a soja
distrugge 'e piante pe' fa carte e 'ncopp'e carte scrive 'a storia
Je prego a Dio
e a fortuna 'a gente mmiezz'a via
a stessa fortuna d'a mia
te stress'a vivere accussì
E 'sta bandiera nun ce serve perché n'ce rappresenta
noi nun simmo na nazione je cancellasse 'o Parlamento
e o Presidente d'o Consiglio
nse ne fotte d'e famiglie
chi tene a carico tre figlie
'o stipendio n'o piglia
nse ne fotte d'o studente ca s'impegna pe' j a scola
nse ne fotte e l'istruzione
pe studià s'adda j fore
Danno cchiù importanza all'economia, 'a finanza
vonno sapé tutt'e cazzi e traseno int'e cunt'a banca
Comm'è co Sud Italia nun c'arriva 'a freccia rossa?
Comm'è ca p'a Sicilia nun hanno fatt'o ponte?
Pe' mme n'esiste Italia fino a quando esiste 'a Padania
nun è ca so razzista so mill'anne ca so schiavo
'a gente nun c'a fa cchiù a piglià solo batoste
'A colpa è a vosta:
nun credimmo dint'a bandiera verde bianca e rossa!

[Enzo Avitabile]
'A Verità ogni ommo 'n coppa 'a chesta terra vo la verità

[Rocco Hunt]
L'ommo è ignorante a credere c'a terra è 'a soja
distrugge 'e piante pe' fa carte e 'ncopp'e carte scrive 'a storia

[Enzo Avitabile]
'A Verità ogni ommo 'n coppa 'a chesta terra vo la verità

[Rocco Hunt]
L'ommo è ignorante a credere c'a terra è 'a soja
distrugge 'e piante pe' fa carte e 'ncopp'e carte scrive 'a storia

[Enzo Avitabile]
je 'a quanno so' nato
nu deserto song' stato
deserto d'o deserto
chilli ca c'anno cumannato
c'anno accise, 'ncatenate, scamazzate e scassate
arricuordete 'e me
arricuordete pure 'e te
maledetta chesta strada
quanti rammaggie ca ce fa
cammenammo 'ncumpagnia
mano e mano rocco e je
e luttammo oggi e sempe
pe' nun vivere inutilmente
e chi pe' sempe a luttato
oggi e sempe sia arricurdato
sia arricurdato Che Guevara ca sta 'ncielo
e pure nun s'è stato
tanno crere
pure ce crere
finchè 'a giustizia nun se vere
ma si è 'a verità ca nuje vulimmo
facimmo coccosa e cagnammo
'o popolo sta sdignato
sotto sotto esasperato
juorno e notte s'è abbracciato
chesta croce 'e carcerato
sempe dicimmo misericordia
Santa Maria 'e Custantinopole
pe' cielo
vuje d'a terra
sanghe 'e cristo
ajutame tu
maria e sant'anna
arrepareme tu
je 'a quanno s'o nato
m'aggio sempe addumannato
'o stato chi è
e si se po' parlà
d'o stato cu 'o stato
'o stato è comm'a fede
sulo domande e maje risposte
'o stato tene 'na scusa: mò nun ce sta
PUNTO E BASTA!!!!!

[Enzo Avitabile]
'A Verità ogni ommo 'n coppa 'a chesta terra vo la verità

[Rocco Hunt]
L'ommo è ignorante a credere c'a terra è 'a soja
distrugge 'e piante pe' fa carte e 'ncopp'e carte scrive 'a storia

[Enzo Avitabile]
'A Verità ogni ommo 'n coppa 'a chesta terra vo la verità

[Rocco Hunt]
L'ommo è ignorante a credere c'a terra è 'a soja
distrugge 'e piante pe' fa carte e 'ncopp'e carte scrive 'a storia

inviata da Bernart Bartleby - 14/12/2015 - 17:33



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org