Lingua   

The Highland Widow's Lament

Robert Burns
Lingua: Scozzese


Robert Burns


I
Oh I am come to the low Countrie,
Ochon, Ochon, Ochrie(1)!
Without a penny in my purse,
To buy a meal to me.

II
It was na sae in the Highland hills,
Ochon, Ochon, Ochrie!
Nae woman in the Country wide,
Sae happy was as me.

III
For then I had a score o'kye(2),
Ochon, Ochon, Ochrie!
Feeding on you hill sae high,
And giving milk to me.

IV
And there I had three score o'yowes(3),
Ochon, Ochon, Ochrie!
Skipping on yon bonie knowes(4),
And casting woo' to me.

V
I was the happiest of a' the Clan,
Sair(5), sair, may I repine;
For Donald was the brawest man,
And Donald he was mine.

VI
Till Charlie Stewart cam at last,
Sae far to set us free;
My Donald's arm was wanted then,
For Scotland and for me.

VII
Their waefu' fate what need I tell,
Right to the wrang did yield;
My Donald and his Country fell,
Upon Culloden field.

VIII
Ochon, O, Donald, Oh!
Ochon, Ochon, Ochrie!
Nae woman in the warld wide,
Sae wretched now as me.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org