Lingua   

Sos Cristos semus nois

Pietro Mura
Lingua: Sardo


Pietro Mura


Sos Cristos semus nois,
sos de sa ruche,
sos chi amus birgonza
de non poder sas ruches anzenas.
Semus berbeches muntas,
de sos meres.
Nois semus sos mudos,
sos chi no amus pena,
nois mudos de su nostru dolore.
Nois semus sos amicos,
sos amicos de sos nostros nimicos.
Nois semus sos teraccos fidaos,
ch'azudan sos meres a nos ispozare.
Semus sa forza,
semus sas funtanas
chi dan s'abba a sos ribos.
Non moghet foza si nois non cherimus;
Semus nois sos veros Cristos.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org