Lingua   

Lu mari ntra li recchi

Cantacunti
Lingua: Italiano (Pugliese Otrantino)



Cumbattera, cumbattera
cu lu sangu alli uecchi,
pescatori e marinari
cu lu mari ntra li recchi

Cumbatera, cumbattera
na battaja atroci
cu difendunu lu paisi
lu regnu e la Croci

Resistera, resistera
pi spittari lu rignanti
cu cavalli e cavalieri
li fucili e li bombardi.

La spiranza puei sparìu
e na breccia s’appriu:
cumbattera pi lu paisi
e pi lu loru Ddiu

Cumbattera, cumbattera
tra critassi e tantu sangu,
tra lu fierru ca bbattia
e la carni ca s’appria

Cumbattera sott’a soli
cu li stelli e lu terrori
ca a difendiri lu paisi
no ncera mancu cchiui lu Signori!

Resistera, resistera
ntra li casi e ntra li strati,
cu la puzza ti lu lientu
ti lu mari e ti li frati.

Resistera, resistera
frasturnati a capu acanti
cu si scordunu la vita
cu la morti ormai ti nanti

Puei murera, puei murera
comu tutti ntra stu munnu
pescatori, marinari
ntra lu fumu ti nu suennu

Pi turnari ntra lu mari,
pi piscari e puei turnari
a nu postu ti la terra
ddo si campa pi muriri


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org